أخبار الوطن
حلت الفنانة نيفين مندور، ضيفة على برنامج كلام الناس المذاع عل قناة mbc مصر بعد غياب طويل وتحدثت خلال اللقاء عن أسباب ابتعادها عن المجال الفنى وعن تفاصيل قضية المخدرات التى اتهمت بها وهل هي سبب ابتعادها عن الأعمال الفنية طوال السنوات الماضية.
وقالت نيفين : سبب ابتعادي عن الوسط الفني، أن والدتي كانت مريضة، وهي أولى بكل دقيقة من وقتي أكون معاها وأساعدها، كما أنني شعرت بخوف شديد بعد نجاح فيلم اللي بالي بالك، وكنت في حيرة بين الخوف والسعادة.
وعن تفاصيل إلقاء القبض عليها بسبب المخدرات قالت : الموضوع ده بيضايقني.. هو الموضوع كان خاص بوالدي مش بيا خالص.. بس هما حبوا يكسروه بيا كانتقام ، ورحت انا في الرجلين، وهو بقى بين نارين بين بنته وسمعته، لأن الموضوع مبقاش سمعته بس، لا بقيت سمعة بنته كمان.
وأضافت نيفين: بس ربنا كبير والحمد لله براءة من أول دقيقة، مفيش حد قدر يشكك فيها يعني، وفكرت كتير إني أرد ولكن ردود فعل الناس الإيجابية، وإن الناس مش مصدقة خليتني مردش وإنهم مصدقني، فأصلح لمين؟ للناس المريضة؟ دول مش فارقين معايا، غير إن نفسيًا الموضوع كان مخليني مش قادرة أعمل حاجة، ده غير إن الموضوع جه في وقت وفاة والدتي، فكانت الظروف صعبة وايضا تعرضت لحادث بعد كل هذه الأحداث الموسفة كان أحد أسباب ابتعادي .
