أخبار الوطن
كما تحدث عن الفنان أحمد فهمي وأكد أنه ممثل قادر على أداء جميع الأدوار وليس الكوميدي فقط خاصة بعد النجاح الكبير الذي قدمه في مسلسل سفاح الجيزة الذي أعاد تقديم نفسه للجمهور. مشيرا إلى نجاحه في الوقت ذاته في العمل ككاتب حتى إنه كان أكثر شخص في الثلاثي تميزا في الكتابة.
وقال الشناوي إن مسلسل سفاح الجيزة كان وش السعد على الفنان أحمد فهمي وفي نفس الوقت استطاع أن يحقق نجاحا كبيرا من خلال فيلم مستر إكس. وتوقع الناقد الفني نجاحا كبير للفنان أحمد فهمي في حالة تقديمه أعمال من تأليفه مؤكدا أنها سوف تمثل إضافة قوية لمشواره الفني.
طارق الشناوي ومصطفى قمر
تحدث الناقد الفني طارق الشناوي عن أزمته مع الفنان مصطفى قمر وقال في لقائه مع الإعلامية أسما إبراهيم لو أنا حاسس إني مش محايد أو مش متعادل نفسيا مش هكتب لكن غير كده بقول رأي وممكن حد يكون أساء ليا كثيرا ومش قادر أتحكم في ردود فعلي فمش هدخل الكتابة جزء في ده ومش هكتب عنه.
وأضاف الناقد الفني أصعب حاجة لما تتجاهل عملا فني وليس الكتابة السلبية بل عدم الكتابة وكأن شيئا لم يكن دي أصعب حاجة.
وتابع طارق الشناوي مصطفى قمر لو عمل فيلم أو أغنية كويسة هكتب عنه ولن أتحدث عن الكلام اللي قاله عليا أمام القضاء لأنه تجاوز في حقي وادعى أشياء لم تحدث أنا عمري ما
التقيت به وهو بيقول إني مرة روحتله المكتب ومعايا بنت عايزها تشتغل ممثلة ورفض والكلام ده قاله من سنتين وبعد كده نسي هو قال ايه وقال مرة تانية أني روحتله البيت وده محصلش أنا عمري ما التقيت بيه ولم أحادثه تليفونيا فهو كاذب.
واسترسل الشناوي في الحديث عن تفاصيل الأزمة وقال وهو ورط والده في أحد البرامج قال إني ناقم وحاقد وأنا تفسيري أن لما بيكون فنان في مرحلة أفول بيبقى صعب عليه يتلقى نقدا لسه كنا بنقول إن كريم عبد العزيز اللي علاقتي بيه كويسة جدا ولما انتقدت فيلم البعض لا يذهب للبعض مرتين مزعلش وعمل كده لأن جواه قوي.
وأوضح الناقد الفني على عكس مصطفى قمر هو في حالة أفول وآخر حفلة عملها كانت نجوم التسعينيات يعني رايح بالصفة العمرية مش الشخصية فهو في حالة أفول فني ولا يتقبل النقد وهو قال إني مشفتش الفيلم وكلهم صدقوه وقالوا كدة لأن أنا مبحضرش عروض خاصة وأنا أعتقد أن الناقد أو الصحفي اللي بيحضر عروضا خاصة يرتكب خطأ.
مضيفا أنا السينما جمب بيتي وبتفرج على الفيلم مع الجمهور العادي مش جمهور العروض الخاصة اللي بيكون موجود علشان يجامل وأنا في السنوات الأخيرة بطلت أروح عروض خاصة وده اللي خلاه يقول إني مشفتش الفيلم.
أزمة فيلم أولاد حريم كريم
وأكد الناقد الفني طارق الشناوي أنه لم يكتب أي شيء عن فيلم أولاد حريم كريم وقال أنا أساسا لم أكتب حرفا عن الفيلم حتى الآن واللي حصل أني اتسألت في برنامج ET بالعربي عن رأي في الفيلم فقلت أنه من أسوأ الأفلام وقبل الفيلم ده كان ليه فيلم فشل اسمه فين قلبي وهو شتم فيا على الصفحة بتاعته وكله أمام القضاء.
وأضاف الشناوي وهو قال إني مشفتش الفيلم وكلهم صدقوه وقالوا كدة لأن أنا مبحضرش عروض خاصة وأنا أعتقد أن الناقد أو الصحفي اللي بيحضر عروض خاصة يرتكب خطأ لكن أنا السينما جمب بيتي وبتفرج على الفيلم مع الجمهور العادي مش جمهور العروض الخاصة اللي بيكون موجود علشان يجامل وأنا في السنوات الأخيرة بطلت أروح عروض خاصة وده اللي خلاه يقول إني مشفتش الفيلم.
